Hapja e dyerve të partisë, ideja më komike për kapitenin plak që po mbytet me “Titanikun” e shpuar
E Enjte 18 Maj 2023, 17:05
Dritare.net
Nga Kreshnik Spahiu
Kemi 33 vite që dëgjojmë një melodi sa herë që humbet opozita.
Të gjithë ata që duan të shpëtojnë bythën e Berishës dalin dhe sugjerojnë: “Berisha të hapë portat”. A thua se ky i fundit ka çelësat e parajsës dhe njerëzit po presin në radhë të hynë në ishullin e thesarit. Ata harrojnë që askush nuk i afrohet tashmë greminës ku ka përfunduar ajo çetë.
Ajo duhet të ulë qepenat dhe ta mbyllë dyqanin e falimentuar se nuk futet askush brenda…..
Në 1990-ën ajo u krijua me përbërjen e studentëve, intelektualëve, të rinjve dhe qytetarëve, por që i largoi të gjithë Berisha.
Disa analistë pasi u njohën me rezultatin fatal të 14 majit bënë thirrje që Berisha të hapet.
Po Berisha sapo përfundoi rithemelimin dhe gjoja u hap. Çfarë hapje tjetër duhet bëjë?
Ata janë shqetësuar që Tirana, Durrësi, Shkodra, Kukësi, Tropoja, Kamza apo Elbasani dhe bastionet që e krijuan dje e kafshuan Berishën.
Po pse teoria e tyre për hapje nuk funksionon:
- Rinia aty ishte dhe e largoi Berisha nga partia,
- Studentët aty ishin dhe i largoi Berisha nga partia,
- Tirona aty ishte dhe e largoi Berisha nga partia,
- Qytetet aty ishin, por i fshatarizoi Berisha
- Të burgosurit aty ishin, por i zëvendësoi me komunistë,
- Pronarët aty ishin, por i shpronësoi Berisha.
- Intelektualët aty ishin, por i largoi,
- Diplomatët perëndimorë aty ishin, por u shpalli luftë Berisha.
Të gjithë i largoi Berisha dhe u bë parti:
- E mbyllur dhe izoluar
- antiamerikane dhe antiperëndimore
- Provinciale dhe mediokre
- Jo rinore dhe e vjetruar
Teoricienët e “hapjes” harrojnë që mijëra studentë, të rinj, qytetarë, intelektual, nuk u larguan vetë por u detyruan të distancoheshin nga Berisha dhe politika e tij.
Teoria e tyre që fati opozitës varet nga çelësi i portave të Berishës është komike.
Berisha ka afro 20 vjet që vetëm shton numrin e çelësave dhe dyerve hermetike me kangjella në bunkerin e tij. Kur humbet izolohet më shumë dhe nuk hapet nga frika se ia marrin. Këta ideologët e hapjes mendojnë se rinia po pret në radhë, që të hapë dyert Berisha dhe të hynë me vrap brenda në llumin e provincialëve në oborrin e SHQUP-it.
Kjo është tezë shumë e konsumuar.
Tirana e fundosi Berishën me 200.000 vota kundër tij.
Partia e Berishës është Titanik i ndryshkur që vetëm kapiteni plak dhe 5 orkestratë kanë mbetur që i bien violinës se mos dëgjohet paniku i turmës që po largohet dhe po hidhen në barka të tjera.
Muzikantët e Saliut mund t’i japin këshillën e fundit Berishës, që ai të marrë një gomone dhe të shpëtojë kokën sepse anija e tij po fundoset mes Atlantikut dhe shumë larg brigjeve amerikane.
Ajsbergu i votave ishte vdekjeprurës dhe s’ka marangoz që ia mbyll vrimat, të cilat janë hapur nga dallgët e oqeanit.
Hapja e dyerve të anijes që po zhytet nuk e shpëton nga mbytja.
Këshilla që duhet dhënë pasagjerëve të “Titanikut” është të mbijetojnë mes dallgëve deri sa të afrohet në oqean një anije e re…..
Berisha duhet të mbyllë portat se do i largohen edhe ato 10 kokrra që i kanë ngel pas.
Lëreni të mbytet dhe ta marrë me vete në botën tjetër barkën e tij të shpuar dhe që është katandisur më e vogël se autobusi falas i Belos./Marrë nga Facebook-u i autorit./K.C/dritare.net
