Trump i vë ultimatum Putinit: 10 ose 12 ditë për paqe në Ukrainë
E Hënë 28 Korrik 2025, 19:07
Dritare.net
Presidenti i SHBA-së, Donald Trump, ka përshkurtuar afatin prej 50 ditësh që i kishte dhënë Vladimir Putin për një marrëveshje për armëpushim në Ukrainë, duke e ulur atë në vetëm “10 ose 12 ditë”, duke deklaruar se “nuk ka arsye për të pritur” dhe duke shprehur zhgënjim për mungesën e përparimit në bisedime.
Deklarata u bë në 28 korrik 2025, gjatë një paraqitjeje publike në Turnberry, Skoci, ku Trump ishte së bashku me kryeministrin britanik Keir Starmer.
Ai paralajmëroi se nëse Rusia nuk e pranonte armëpushimin brenda kësaj periudhe të shkurtuar, Shtetet e Bashkuara do të vendosnin tarifa deri në 100% dhe sanksione sekondare ndaj importuesve të naftës ruse, duke shkaktuar dëme të konsiderueshme ekonomike për Rusinë.
Zyrtarët ukrainas, përfshirë shefin e stafit të Zelenskyy-t, Andriy Yermak, mirëpritën këtë qëndrim më të ashpër dhe falënderuan Trump-un për mesazhin e qartë për paqe përmes forcës. Kjo është një situatë në zhvillim, pritet përgjigjia e Kremlin dhe reagimet e mëtejshme nga bashkësia ndërkombëtare./K.C/dritare.net
