Rama në Uashington dhe sinjali politik për Shqipërinë
E Diel 15 Shkurt 2026, 10:10
Dritare.net
Ftesa për Edi Ramën nga Donald Trump ne Bordin e Paqes nuk është rastësi. Është rezultat i një profili të ndërtuar me vite.
Duhet thënë: Rama është lojtar i mirë në diplomacinë ndërkombëtare.
Ai ka treguar aftësi për të lëvizur në terren kompleks, për të komunikuar me liderë të krahëve të ndryshëm politikë në SHBA dhe Europë, për të mbajtur Shqipërinë të pozicionuar qartë në boshtin euroatlantik. Kjo kërkon instinkt politik, durim dhe fleksibilitet.
Në një botë ku fuqitë e mëdha përplasen dhe ku vendet e vogla rrezikojnë të mbeten jashtë tavolinës, të jesh i ftuar do të thotë se je i vlefshëm.
Kjo nuk është çështje simpatie politike. Është analizë e ftohtë.
Një vend i vogël si Shqipëria fiton kur ka një lider që di të luajë në skenë të madhe pa e humbur orientimin strategjik. Dhe në këtë aspekt, Rama ka treguar se di ta bëjë.
Sigurisht, sfida është që ky kapital diplomatik të përkthehet në përfitim konkret për vendin: investime, mbështetje strategjike, rol më të qartë në rajon.
Por si moment politik, kjo është një pikë që duhet njohur.
Sepse në diplomaci, të jesh i ftuar në tryezë do të thotë se të konsiderojnë pjesë të lojës.
Dhe Shqipëria sot është në lojë./ Dritare Digjitale
