I shpëtoi vdekjes kur ishte 8 vjeç, historia prekëse e të riut që vdiq në aksidentin e rëndë në Peqin!
E Diel 31 Gusht 2025, 12:12
Dritare.net
Dy djem të rinj kanë humbur jetën në një aksident tragjik që ka ndodhur në orët e para të mëngjesit të sotëm në hyrje të qytetit të Peqinit.
Një detaj prekës që ka dalë në dritë pas aksidentit është historia personale e njërit prej viktimave.
Gabriel Lluca, një djalë 20-vjeçar, i njohur dhe i dashur në komunitet, në moshën 8-vjeçare i mbijetoi mrekullisht një aksidenti të rëndë pranë shkollës së tij.
Por fati këtë herë nuk ishte në anën e tij…
Gabrieli u nda nga jeta 12 vite më vonë, në qytetin ku u rrit dhe ku i ndodhi edhe aksidenti i fundit.
(Foto: Viktima Gabriel Lluca)
Asokohe, historia e tij kishte prekur zemrat e shumë njerëzve për fatin e madh, pas mbijetesës së tij të mrekullueshme. Por fati nuk e kurseu këtë të diel fund gushti.
Gabrieli ishte një nga katër fëmijët e familjes Lluca, ndërsa babai i tij Agroni ndërroi jetë tri vite më parë. Policia ka nisur hetimet për të zbardhur rrethanat e aksidentit dhe po shqyrtohen kamerat e sigurisë në zonë si dhe po bëhen verifikime për shpejtësinë e mjetit dhe gjendjen e rrugës në momentin e ngjarjes. /TCH
