115-vjetori i lindjes së Nënë Terezës, simboli i humanizmit shqiptar
E Martë 26 Gusht 2025, 10:10
Dritare.net
Sot përkujtohet 115-vjetori i lindjes së Nënë Terezës, humanistes shqiptare me famë botërore, e cila ia kushtoi gjithë jetën të varfërve, të sëmurëve dhe të braktisurve.
E lindur më 26 gusht 1910 në Shkup, Gonxhe Bojaxhiu u bë e njohur në mbarë botën si “Nënë Tereza e Kalkutës”, pas krijimit të misionarëve të bamirësisë, një kongregacion fetar që sot vepron në dhjetëra shtete duke u shërbyer më të varfërve ndër të varfër.
Për veprën e saj të jashtëzakonshme humanitare, ajo u nderua me çmime të shumta ndërkombëtare, mes tyre edhe Çmimin Nobel për Paqen në vitin 1979.
Nënë Tereza u shua më 5 shtator 1997, por mbetet një figurë frymëzuese për mbarë botën. Në vitin 2016 ajo u shpall shenjëtore nga Papa Françesku, duke u kthyer në një simbol universal të dashurisë, përkujdesjes dhe përulësisë.
Në Shqipëri dhe Kosovë, por edhe kudo ku jetojnë shqiptarët, kujtimi i saj sot nderohet si krenari kombëtare dhe si shembull se si një jetë e vetme e përkushtuar mund të ndryshojë miliona të tjera./L.F-dritare.net
