
Temperatura deri në 30 gradë, si parashikohet moti për orët e ardhshme!
E Shtunë 30 Shtator 2023, 14:02
Dritare.net
Moti për orët e ardhshme pritet të jetë nën ndikimin e kushteve atmosferike të qëndrueshme, falë masave ajrore relativisht te thata.
Sipas parashikimit nga SHMU, dita e nesërme do të jetë me alternime kthjellimesh dhe vranësirash kalimtare përgjatë relieveve kodrinore-malore. Reshje të dobëta shiu do të jenë prezente në majat e maleve në jug të vendit.
Era do të fryjë me drejtim juglindje-veriperëndim me shpejtësi mesatare 1-8m/s, ndërsa përgjatë vijës bregdetare era fiton shpejtësi 10-13m/s. Valëzimi në dete do të jetë i forcës 2-3ballë. Temperaturat do të luhaten mes vlerave 10 deri në 30 gradë celsius./M.K-dritare.net

















