Parashikimi i motit, sa do të arrijnë temperaturat sot!
E Martë 22 Gusht 2023, 07:07
Dritare.net
Ditën e sotme vendi ynë do të jetë nën ndikimin e kushteve atmosferike të qëndrueshme falë masave ajrore relativisht të thata dhe të nxehta me origjinë nga Afrika e Veriut.
Sipas parashikimit nga SHMU, moti pritet fillimisht i kthjellët në të gjithë territorin ndërsa prej orëve të mesditës deri ato të pasdites vonë vranësira mesatare kalimtare. Reshje shiu të izoluara në relievet kodrinore malore të vendit.
Era do të fryjë me drejtim veriperëndim – verilindje 1-7m/s, ndërsa në bregdet dhe lugina era me shpejtësi 8-12m/s. Valëzimi në dete do të jetë i forcës 1-2 ballë.
Temperaturat do të luhaten në vlerat 21 gradë Celsius deri në 39 gradë Celsius./M.K-dritare.net
