Presidenti i vendit, Ilir Meta, ka nënshkruar sot kallëzimin penal ndaj kreut të Këshillit të Emërimeve në Drejtësi, Ardian Dvoranin. Me anë të një postimi në faqen e tij në facebook, kreu i shtetit shkruan se si President i Republikës, po i jep një mundësi historike Reformës në Drejtësi, për të treguar integritetin dhe vërtetësinë e saj.
” Sapo nënshkrova kallëzimin penal të premtuar ndaj Kryetarit të Këshillit të Emërimeve në Drejtësi, z.Ardian Dvorani. Si President i Republikës, po i jap një mundësi historike Reformës në Drejtësi, për të treguar integritetin dhe vërtetësinë e saj”, shkruan presidenti.
Ilir Meta ka ngritur padi ndaj kreut të KED-it, Ardian Dvorani në tre prokurori, atë të Tiranës, të Përgjithshme dhe te Krimet e Rënda, për akuzat e “Shpërdorimit të detyrës” dhe “Përvetësimin e titullit apo detyrës shtetërore”./L.F-dritare.net
