Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Gjendet i vdekur në Itali 23-vjeçari shqiptar, ishte në arrest shtëpie

E Shtunë 20 Gusht 2016, 15:03

Dritare.net

Gjendet i vdekur në Itali 23-vjeçari shqiptar, ishte në arrest
Një 23-vjeçar shqiptar është gjetur i vdekur mesditën e sotme, në banesën e tij në Itali. Sipas mediave të shtetit fqinj, i riu me iniciale L.B, qëndronte në arrest shtëpie, pasi akuzohej për përndjekjen e ish-të dashurës së tij, por është gjetur i vrarë brenda banesës së tij.

Alarmi është dhënë nga familjarët e të riut, emigrantë shqiptarë me dokumente te rregullta në Itali, të cilët lajmëruan policinë, pasi i biri nuk hapte derën e apartamentit dhe as telefonin.

Karabinierët ndërhynë duke u futur me forcë në banesë, ku gjetën trupin e pajetë të 23-vjeçarit.

Sipas hetuesve italianë, të gjitha pistat nuk përjashtohen, por më e besueshmja mbetet ajo e vrasjes.

I riu shqiptar ishte një emër i njohur për policinë italiane, pasi kishte precedentë për shpërndarje droge dhe përndjekje. Kohët e fundit ai qëndronte nën masën e sigurisë arrest në shtëpi, pasi kishte kërcënuar dhe përndjekur ish-të dashurën e tij italiane.