Cristiano Ronaldo ishte protagonisti absolut i “Klasikes” së fundit. Portugezi, i cili e nisi ndeshjen nga stoli, u fut në fushë në pjesën e dytë, shënoi një gol të mrekullueshëm dhe mori dy kartonë të verdhë brenda pak minutash. Kartoni i parë sepse hoqi bluzën gjatë festimit të golit, ndërsa kartonin e dytë e mori për simulim brenda zonës.
Pasi shënoi golin e dytë të ndeshjes, Cristiano kërkoi të gjithë vëmendjen e botës së futbollit dhe i tregoi fanelën stadiumit “Camp Nou”, ashtu siç bëri Messi në “Klasiken” e fundit në “Santiago Bernabeu”, kur argjentinasi, pasi shënoi në minutën e fundit të ndeshjes, i tregoi fanelën tifozerisë madrilene.
