Syri i nxirë i Elon Musk bëhet viral. Ja kush e goditi me grusht!
E Premte 30 Maj 2025, 21:09
Dritare.net
Elon Musk është shfaqur së fundmi me një sy të nxirë gjatë një eventi publik ku ishte në shoqërinë e ish-presidentit amerikan, Donald Trump. Pamjet e publikuara shkaktuan reagime të shumta në rrjete sociale, ndërsa u hodhën hipoteza të ndryshme për arsyen pas shenjës së dukshme në fytyrën e miliarderit. Pas spekulimeve, vetë Musk vendosi të sqarojë publikisht ngjarjen. Në një postim në platformën X, ai zbuloi se nuk kishte qenë pjesë e ndonjë përleshjeje politike apo sulmi të qëllimshëm, por ishte goditur aksidentalisht gjatë një momenti loje me djalin e tij më të vogël.
“Po, është e vërtetë – syri është i nxirë. Dhe po, ‘agresori’ ishte djali im i vogël që më qëlloi padashje me një lodër plastike që s’dallohej as si rrezik. Tani po qeshim të dy me këtë,” shkroi Musk me humor.
Edhe pse ngjarja rezultoi e padëmshme, prania e Muskut në krah të Trump në atë event vazhdon të tërheqë vëmendje, duke shtuar më shumë interes për marrëdhënien mes dy figurave të njohura.
Lajmi është bërë viral, duke treguar edhe një herë se edhe njerëzit më të pasur dhe më të fuqishëm të botës, si Elon Musk, nuk janë imunë ndaj “sulmeve” të vogla shtëpiake./K.C/dritare.net
