Në një paraqitje që ndau opinionin publik, Jennifer Lopez shkëlqeu në skenën e American Music Awards 2025, duke veshur një veshje të guximshme të zbukuruar vetëm me diamante. Kjo veshje, pjesë e koleksionit vjeshtë 2023 të Bronx and Banco, përfshinte nje top dhe një fund të tejdukshëm me diamante, duke theksuar linjat e saj.
Lopez, e cila ka një histori të gjatë me AMA që nga viti 1991 kur performoi si kërcimtare rezervë për New Kids on the Block, u kthye si prezantuese pas një dekade. Ajo përshkroi stilin e saj për natën si një përzierje të “glamour, cool, elegante", elemente që e karakterizojnë atë në botën e modës.
Reagimet në rrjetet sociale ishin të ndara. Disa e vlerësuan për guximin dhe stilin e saj në moshën 55-vjeçare, ndërsa të tjerë e konsideruan veshjen si të tepruar për një rol prezantues. Pavarësisht komenteve, Lopez vazhdon të jetë një ikonë e modës dhe një figurë që sfidon pritshmëritë./K.C/dritare.net
