1 vit e 8 muaj burg për ish ministrin Spiro Ksera

Gjykata e Tiranës dënon me 1.8 vite burg ish ­ministrin Spiro Ksera, për akuzën “vjedhje përmes shpërdorimit të detyrës”. Spiro Ksera, ish ­ministri i Punës dhe Çështjeve Sociale, qëndronte në paraburgim që prej 29 janarit të këtij viti, pasi Gjykata e Tiranës caktoi masën e sigurisë “arrest në burg” ndaj tij. Gjithashtu, Kserës iu hoq e drejta për detyrë shtetërore për 5 vite.

Gjykata dënon me 10 muaj burg Artevis Menen, nga 2 vite shërbim prove për Elda Kozaj dhe Elisabeta Dodbibajn. Prokuroria kërkoi 3 vite burg për ish ­ministrin e Qeverisë Berisha.

Sipas Prokurorisë, ish ­ministri Spiro Ksera dhe 11 ish­ vartës të tij janë përgjegjës për vjedhjen e 30 mijë lekëve të rinj, fonde të kësaj ministrie. Paratë e përvetësuara kanë qenë destinuar për pesë aktivitete kulturore dhe sociale për romët, të verbrit dhe fëmijët jetimë në nevojë gjatë vitit 2013.

Gjatë shqyrtimi të masës së sigurisë ndaj tij në Apel para disa ditësh, Ksera pretendoi se po diskriminohej për shkak se i përkiste kombësisë greke. “Nuk kam rrezikshmëri shoqërore. Ju e shikoni. Kam qenë protagonist në zhvillimet shoqërore politike të 20 viteve të fundit. Kjo ndodh nga diskriminimi. Jam i hapur të hetohem, të gjykohem, por jo në burg”, tha Ksera.