Testi i ri i gjakut zbulon shenjat parakanceroze të zorrës së trashë!
Saturday 15 August 2026, 18:06
Dritare.net
Një test eksperimental gjaku mund të ndihmojë në zbulimin e shenjave parakanceroze të zorrës së trashë, përpara se sëmundja të zhvillohet. Rezultatet e studimit të ri hapin mundësi të rëndësishme për parandalimin e një prej formave më të zakonshme të kancerit.
Testi u provua te më shumë se 1,500 persona që merrnin pjesë në programe kontrolli në Kinë, Japoni dhe Spanjë. Sipas rezultateve, ai zbuloi 92% të rasteve të kancerit të zorrës së trashë në fazat I–III dhe 81% të adenomave të avancuara, të cilat janë lezione parakanceroze që mund të shndërrohen në kancer.
Analiza rezultoi gjithashtu 85% e saktë në identifikimin e personave që nuk kishin lezione parakanceroze. Studiuesit thonë se zbulimi dhe heqja në kohë e këtyre formacioneve mund të parandalojë zhvillimin e sëmundjes.
Megjithatë, testi ndodhet ende në fazën eksperimentale dhe nevojiten studime më të mëdha për të konfirmuar saktësinë e tij. Kolonoskopia vazhdon të mbetet metoda standarde për kontrollin e kancerit të zorrës së trashë, ndërsa një rezultat pozitiv në analizën e gjakut duhet të ndiqet nga ekzaminime të tjera.
Studimi është publikuar në revistën shkencore The Lancet Gastroenterology & Hepatology./ Reuters
