Na ndiqni edhe në

Ngjarjet e Ditës

Rusia vendos ambasador në Shqipëri drejtuesin e sigurisë së informacionit

Rusia vendos ambasador në Shqipëri drejtuesin e sigurisë së

Mihail Yurevich Afanasjev është ambasadori i ri i Rusisë në Shqipëri. Ai do të zërë vendin e Aleksandër Karpushin. Ju kujtojmë se, tre ditë më parë Presidenti i Republikës, Ilir Meta priti në një takim ambasadorin e ri të Federatës Ruse në Tiranë. Mihail Yurevich Afanasjev i dorëzoi kreut të shtetit shqiptar Letrat Kredenciale.

Para emërimit në Shqipëri, Mihail Yurevich Afanasjev ishte drejtori i Departamentit të Informacionit në Ministrinë e Punëve të Jashtme Ruse.

Afanasjev ka udhëhequr disa reforma për forcimin e sigurisë të informacionit dhe teknologjisë në Ministrinë e Jashtme ruse.

Njohës i gjuhës angleze dhe franceze, Mihail Yurevich Afanasjev ka qenë këshilltar në Ambasadën e Rusisë në Paris në vitet 1995 – 1999, ndërsa në 1993 – 1994 ka qenë drejtor i Departamentit për Afrikën dhe Lindjen e Mesme në Ministrinë e Jashtme.

Mbërritja e ambasadorit të ri është pasqyruar edhe në faqen e Ambasadës së Rusisë në Tiranë, por pa dhënë shumë detaje mbi karrierën e tij diplomatike./K.C/dritare.net