Rama uron kryeministrin e ri të Ukrainës: Shqipëria qëndron krah jush
Friday 17 July 2026, 11:11
Dritare.net
Kryeministri Edi Rama ka uruar kryeministrin e ri të Ukrainës, Serhii Koretskyi, për emërimin e tij nga parlamenti. Në një postim në platformën "X", kreu i qeverisë thekson se Shqipëria qëndron fort krah Ukrainës dhe popullit ukrainas në luftën e tyre për liri, sovranitet dhe një paqe të drejtë e të qëndrueshme.
Reagimi i plotë i kryeministrit Edi Rama:
Urime Kryeministrit Serhii Koretskyi për emërimin e tij nga Rada e Lartë e Ukrainës.
I uroj suksese në detyrën e re, ndërsa i bashkohet Presidentit Volodymyr Zelenskyy në udhëheqjen e Ukrainës gjatë një prej periudhave më të vështira në historinë e saj, me guxim, qëndresë dhe vendosmëri.
Shqipëria qëndron fort në krah të Presidentit Zelenskyy, Qeverisë së Ukrainës dhe popullit ukrainas në luftën e tyre për liri, sovranitet dhe një paqe të drejtë e të qëndrueshme.
