Raki, poezi dhe koran! Si shijohet një drekë në Restorantin Rapsodia të Shef Fredit!
Sunday 5 July 2026, 13:01
Dritare.net
Një drekë në Restorantin Rapsodia nuk është vetëm një vakt, por një udhëtim në traditën shqiptare. Këtë e zbuloi edhe gazetari dhe fotografi anglez Robert Hackman, i cili, pasi mësoi sekretet e gatimit të koranit, u ul në tryezë për të shijuar rezultatin e punës së tij bashkë me Shef Fredin.
Në vend të një salle të zakonshme restoranti, drekën e shoqëron një atmosferë krejt ndryshe. Muret janë të mbuluara me poezi në dialektin gegë, duke i dhënë ambientit një identitet të veçantë dhe duke e kthyer çdo vakt në një takim me kulturën shqiptare.
Por surprizat nuk mbarojnë me kaq. Para se të nisin degustimin e koranit, Shef Fredi sjell në tavolinë rakinë e thanës, të përgatitur në mënyrë artizanale dhe të distiluar dy herë. Mjafton një gllënjkë që Robert Hackman të mbetet i mahnitur, duke e cilësuar atë si rakinë më të mirë që ka provuar ndonjëherë.
Mes shijes së koranit, gotave të rakisë dhe vargjeve të poezive që zbukurojnë muret e Rapsodisë, dreka shndërrohet në një përvojë që shkon përtej gastronomisë. Është një kombinim i mikpritjes, traditës dhe kulturës shqiptare, që i lë mbresa çdo vizitori./E.P-dritare.net
Shikoni emisionin e plotë dhe zbuloni si kalon një drekë në Restorantin Rapsodia, aty ku ushqimi, rakia dhe poezia bëhen pjesë e së njëjtës eksperiencë.
