Tomorr/ Festa e Bektashinjtë mbledh rreth 600 mijë pelegrinë në Teqenë e Kulmakut!
E Shtunë 23 Gusht 2025, 10:10
Dritare.net
Mali i shenjtë i Tomorrit u pushtuanga pelegrinë të ardhur nga e gjithë Shqipëria, diaspora dhe bota, teksa kulmoi pelegrinazhi disaditor në Teqenë e Kulmakut; organizatorët dhe autoritetet raportuan fluks rreth 600 mijë besimtarësh për ditët e festës që mbyllet më 25 gusht.
Kryegjyshi Botëror i Bektashinjve, Baba Mondi, uroi paqe e mirësi dhe bëri thirrje për përgjegjësi gjatë riteve, duke theksuar masat parandaluese kundër zjarreve: “Kemi ngritur edhe dy vende për pjekjen, që të mos ndiqen zjarre vend e pavend. Të gjithë së bashku kundër së keqes!
Pelegrinazhi, që nisi më 18 gusht dhe kulmon më 22–23 gusht, shtrihet në një javë me kampingje, rituale, kurbane dhe lutje për shëndet e mbarësi. Besimtarë të traditës bektashiane, por edhe të besimeve të tjera, ngjiten drejt Kulmakut për nder të “Baba Tomorrit”.
Autoritetet vendore dhe Policia e Beratit ishin të pranishme me forca të shtuara për të garantuar qarkullimin dhe rendin gjatë fluksit maksimal të pelegrinëve.
Pse ka rëndësi kjo festë
Pelegrinazhi i Tomorrit është një nga ngjarjet shpirtërore më të mëdha në vend, që bashkon traditën bektashiane me një pjesëmarrje mbarëpopullore e ndërfetare. Çdo vit, dhjetëra-mijëra familje ngjiten në mal për të ndezur qirinj, për të bërë kurban dhe për të lënë amanete në teqe. Sivjet, pjesëmarrja e lartë u shoqërua me apel të posaçëm për paqe e mirësi nga Kryegjyshata.
