Rama njofton bazën e re për helikopterët Black Hawk në Farkë
E Enjte 22 Maj 2025, 18:06
Dritare.net
Kryeministri Edi Rama njoftoi se helikopterët Black Hawk të Forcës Ajrore Shqiptare do të kenë një shtëpi. të dedikuar në Bazën Ajrore të Farkës, ku është përfunduar ndërtimi i hangarit të ri.
Ky investim i rëndësishëm në infrastrukturë dhe modernizim do të rrisë nivelin operacional të bazës, duke siguruar të gjitha lehtësirat e nevojshme për mirëmbajtjen e helikopterëve, si dhe përmirësimin e kushteve të punës për pilotët dhe teknikët shqiptarë.
Baza Ajrore e Farkës do të përfitojë nga kjo ndërrim i madh që synon të forcojë kapacitetet e Forcës Ajrore dhe të avancojë aftësitë operacionale të saj.
"Helikopterët Black Hawk të Forcës sonë Ajrore do të kenë “shtëpinë” e tyre të dedikuar në Bazën Ajrore të Farkës, aty ku sapo ka përfunduar ndërtimi i hangarit të ri.
Investimi në infrastrukturë dhe modernizim do të rrisë operacionalitetin e Bazës së Farkës, duke ofruar të gjitha lehtësirat jo vetëm për kryerjen e punimeve të mirëmbajtjes së helikopterëve, por edhe përmirësimin e kushteve të punës për pilotët dhe teknikët tane.", njofton Rama./K.C/dritare.net
