Nuk kam parë më rrugaç se Flamur Noka! Shpërthen Romeo Kara!
E Enjte 22 Maj 2025, 16:04
Dritare.net
Në një intervistë në emisionin “Dekalog” me Roland Qafokun në DritareTV, juristi dhe analisti Romeo Kara ka hedhur akuza të ashpra ndaj opozitës, duke cilësuar retorikën e tyre si regresive e denigruese.
“Ata nuk e meritonin të fitonin,” deklaroi Kara, duke kritikuar shprehjen e përdorur nga përfaqësues të opozitës se “rotacioni është i shenjtë”. Sipas tij, kjo qasje nuk tregon as përparim politik dhe as ide të reja: “Ne duam të ecim përpara apo të shkojmë mbrapa?”
Më tej, Kara u ndal te gjuha e përdorur nga disa eksponentë të opozitës, të cilën e cilësoi si rrugaçëri në nivelin më të ulët. Ai përmendi edhe sjelljen në ditën e zgjedhjeve në Vorë, si dhe deklarata të mëparshme të deputetit Flamur Noka, duke i përshkruar si “denigruese” dhe “regresive”.
"Unë nuk kam parë nivel më të ulët rrugaçërie se ai i shprehur dhe ditën e zgjedhjeve në Vorë, por më përpara nga Flamur Noka dhe të tjerë.", tha avokati./K.C/dritare.net
