Blendi Fevziu: Artan Lame është gjallë, ja mesazhi i familjarëve!
E Enjte 22 Maj 2025, 21:09
Dritare.net
Moderatori i “Opinion”, Blendi Fevziu, e ka nisur emisionin sonte me një njoftim të papritur. Ish-kreu i Kadastrës, Artan Lame, është ende gjallë, por në koma. Megjithatë, zemra e tij rreh akoma, tha Fevziu, duke bërë një njoftim me kërkesë të familjes së Lames.
“Kam një anonçim të shkurtër, që është padyshim një nga anonçimet më të vështirë që do të bëj ndoshta edhe në të gjithë jetën time. Një nga miqtë e mi personal, një nga njerëzit jam i bindur e ka dashur Shqipërinë dhe historinë e saj më shumë se shumë të tjerë. Artan Lame ndodhet në momente shumë të rënda të jetës së tij. Sot paradite ka dalë lajmi që ai iku nga kjo jetë, në fakt ai ndodhet në koma cerebrale. Ka hyrë në një operacion të rëndë në zemër, pas një problem disajavorë. Operacioni nuk ka arritur ta zgjojë më, pra ai është në koma cerebrale, por është ende në jetë. Mjekët thonë që mundësia që ai të jetojë është thuajse…, pra është e vështirë. Por gjithsesi ai është ende në jetë dhe unë kam një porosi nga familja e tij që ta bëjë këtë anonçim për të thënë që të mos bëhet fakt i kryer diçka që nuk ka ndodhur ende”, u shpreh Blendi Fevziu./K.C/dritare.net
