Melania, një vejushë në pritje! Jimmy Kimmel: Ishte batutë
E Martë 28 Prill 2026, 10:10
Dritare.net
Uashington – Moderatori i njohur amerikan Jimmy Kimmel ka mbrojtur një batutë të tij për Melania Trump, pasi ajo u kritikua ashpër pas një incidenti me armë në darkën e gazetarëve në Shtëpinë e Bardhë.
Batuta, në të cilën Kimmel e quajti zonjën Trump “vejushë në pritje”, u transmetua disa ditë para se një person i armatosur të hapte zjarr pranë aktivitetit ku merrnin pjesë Donald Trump dhe bashkëshortja e tij. Autoritetet kanë bërë të ditur se sulmi mund të ketë pasur në shënjestër figura të administratës Trump.
Kimmel deklaroi se komenti ishte një “shaka e lehtë” lidhur me diferencën e moshës mes çiftit dhe mohoi çdo lidhje me dhunën. Ai theksoi se ka qenë vazhdimisht kundër dhunës me armë.
Nga ana tjetër, Melania Trump e cilësoi monologun si “urrejtës dhe të rrezikshëm”, ndërsa Donald Trump kërkoi që televizioni ABC ta largojë Kimmelin nga ekrani, duke e quajtur deklaratën “thirrje për dhunë”.
I dyshuari për sulmin, Cole Tomas Allen, është arrestuar dhe akuzohet për tentativë vrasjeje ndaj presidentit, si dhe për armëmbajtje pa leje. Çifti Trump nuk u lëndua gjatë incidentit.
