Melania Trump kërkon ndërhyrjen e ABC pas shakasë së Jimmy Kimmel
E Hënë 27 Prill 2026, 17:05
Dritare.net
Melania Trump ka reaguar ashpër ndaj moderatorit të njohur të late-night, Jimmy Kimmel, pas një shakaje të bërë në emisionin e tij, duke i kërkuar rrjetit ABC të marrë masa.
Ngjarja lidhet me një parodi gjatë “Darkës së Korrespondentëve të Shtëpisë së Bardhë”, ku Kimmel bëri një koment për Zonjën e Parë:
“Zonja e Parë, Melania, është këtu. Shikojeni sa e bukur është… zonja Trump, keni një shkëlqim si një vejushë në pritje.”
Komentet u bënë pak ditë përpara një incidenti të rëndë sigurie, ku një agresor i armatosur goditi një aktivitet ku Melania Trump dhe Donald Trump ishin të pranishëm.
Në një reagim në rrjetin social X, Melania Trump e quajti deklaratën e Kimmel “të rrezikshme dhe të papranueshme”, duke theksuar se ato nuk janë humor:
“Kjo nuk është komedi. Fjalët e tij janë të dëmshme dhe thellojnë ndarjet politike në Amerikë.”
Ajo i kërkoi gjithashtu ABC-së të mbajë qëndrim ndaj situatës:
“Sa herë do të lejojë drejtuesit e ABC këtë sjellje? Është koha të reagojnë.”
Reagimi i saj ka ndezur debat mbi kufijtë e humorit politik dhe përgjegjësinë e mediave në SHBA./K.C/dritare.net
