Kompleksi Muzeal i Forcave të Armatosura merr formë moderne
E Mërkurë 20 Gusht 2025, 10:10
Dritare.net
Kompleksi Muzeal i Forcave të Armatosura në Bërzhitë pritet të shndërrohet në një qendër bashkëkohore që ndërthur historinë me jetën e përditshme të komunitetit.
Projekti i ri arkitektonik, i bërë publik nga Ministri i Mbrojtjes Pirro Vengu, synon ta kthejë këtë hapësirë jo vetëm në një muze, por edhe në një pikë takimi për kujtesë, identitet dhe bashkëjetesë.
Duke respektuar ndërtesat ekzistuese dhe natyrën përreth, projekti parashikon shtimin e godinave dhe hapësirave funksionale, ku do të zhvillohen aktivitete të përditshme të Forcave të Armatosura dhe industrisë së mbrojtjes.
Ky transformim i jep kompleksit një dimension të ri:
jo vetëm ruajtje e historisë ushtarake,
por edhe një hapësirë të hapur për qytetarët, ku e shkuara dhe e ardhmja takohen në mënyrë harmonike./L.F-dritare.net
