Erdogan nga Tirana: Shqipëria, zëri i paqes për gjithë botën!
E Premte 16 Maj 2025, 13:01
Dritare.net
Presidenti i Turqisë, Recep Tayyip Erdoğan, gjatë pjesëmarrjes së tij në Samitin e Komunitetit Politik Evropian që po zhvillohet sot në Tiranë, theksoi rëndësinë e paqes dhe bashkëpunimit ndërkombëtar. Në një deklaratë për mediat, ai u shpreh:
Çfarë është ajo që prisnim, presim shumë gjëra me vëllanë tim shqiptar. Në Shqipëri e gjithë bota do të thërrasë zërin e paqes” .
Kjo deklaratë nënvizon marrëdhëniet e ngushta mes Turqisë dhe Shqipërisë, si dhe angazhimin e përbashkët për promovimin e paqes në rajon dhe më gjerë.
Presidenti Erdoğan mbërriti në Tiranë me një delegacion të lartë, përfshirë zyrtarë të kabinetit të tij, dhe u prit nga kryeministri Edi Rama në sheshin Skënderbej, ku po zhvillohet samiti. Në kuadër të samitit, ai pritet të mbajë një fjalim në sesionin kryesor, duke kontribuar në diskutimet për të ardhmen politike dhe ekonomike të Evropës .
Samiti në Tiranë ka mbledhur 47 liderë evropianë dhe përfaqësues të lartë të institucioneve ndërkombëtare, me fokus në çështje si siguria, lufta në Ukrainë dhe bashkëpunimi rajonal./E.P-dritare.net
