Justin Bieber ka reaguar publikisht ndaj spekulimeve që e lidhin atë me akuzat për trafikim seksual ndaj Sean "Diddy" Combs, duke sqaruar se nuk është një nga viktimat e Diddy-t. Në një deklaratë përmes përfaqësuesit të tij, Bieber theksoi se përhapja e pretendimeve të rreme shpërqendron vëmendjen nga viktimat e vërteta që meritojnë drejtësi.
Spekulimet u nxitën nga video të vjetra që tregojnë Bieber-in adoleshent në shoqërinë e Diddy-t, përfshirë një klip ku Diddy thotë: "Për 48 orët e ardhshme, ai është me mua dhe do të çmendemi" . Megjithatë, burime pranë Bieber-it kanë konfirmuar se marrëdhënia e tyre ishte kryesisht miqësore dhe se Bieber ishte shok me djemtë e Diddy-t, Quincy dhe Justin Combs.
Ndërkohë, Diddy përballet me akuza të rënda për trafikim seksual dhe krime të tjera federale në një gjyq që po zhvillohet në Nju-Jork. Ish-e dashura e tij, Cassie Ventura, ka dëshmuar për abuzime fizike dhe seksuale, përfshirë një video të vitit 2016 që tregon një sulm fizik nga Diddy.
Bieber ka kërkuar që fokusi të mbetet te viktimat e vërteta dhe drejtësia për to, duke mohuar çdo përfshirje personale në akuzat ndaj Diddy-t./K.C/dritare.net
