Dritare.net heq vulën e Salillarit në Unazën e Tiranës!
E Shtunë 23 Tetor 2021, 13:01
Dritare.net
Pas vëzhgimit të dritare.net për Unazën e Tiranës, emri i Salillarit është hequr me urgjencë.
Para pak ditësh dritare.net publikoi shënim-vëzhgimin nga gazetari Dritan Hila që merrte shkas nga emri me gërma të mëdha i firmës ndërtuese të Unazës, vënë nga vetë ajo në çdo pikë të dukshme të Unazës së Tiranës.
Hila shkruante: Mund të më thoni me çfarë të drejte në gjithë tunelet e unazës ky zotëria gdhend emrin e fisit te tij në një vepër të bërë me paratë e mia?! Më shumë ka ura e tunele me emër Salillari sesa rrugë e sheshe me emër Skënderbeu".
Kaluan vetëm pak ditë, pas botimit të shkrimit në Dritare.net dhe emri i Salillarit është fshirë nga të gjitha pikat ku ishte shkruar më parë./dritare.net
