Besimtarët ortodoksë kremtojnë Krishtlindjen në Katedralen “Ngjallja e Krishtit”. Pamje nga mesha
E Enjte 25 Dhjetor 2025, 09:09
Dritare.net
Sot, besimtarët ortodoksë po kremtojnë lindjen e Jezus Krishtit në Katedralen “Ngjallja e Krishtit” në Tiranë. Që prej orës 08:00, po zhvillohet Liturgjia Hyjnore e kësaj feste madhështore.
Pas meshës, nga ora 11:00 deri në 13:00, Fortlumturia e Tij, Imzot Joani, Kryepiskopi i Tiranës, Durrësit dhe Gjithë Shqipërisë, do të presë vizita të besimtarëve në Sallën e Pritjes, pas Katedrales.
Ndërkohë, mbrëmë besimtarët katolikë u mblodhën në Katedralen “Shën Pali” për të ndjekur meshën e Krishtlindjes, të drejtuar nga Imzot Arjan Dodaj.
Kjo tregon festimin e gjerë të Krishtlindjes në Tiranë, duke bashkuar komunitetet fetare në një atmosferë paqeje dhe shprese./K.C/dritare.net
