22-vjeçari rrëmbehet dhe dhunohet nga babai i ish-të dashurës në Tiranë!
E Premte 2 Gusht 2024, 11:11
Dritare.net
Një 22 vjeçar është marrë me forcë në makinë dhe ndaj tij është ushtruar dhunë fizike. Policia e Tiranës bën me dije se autorët e arrestuar për këtë pengmarrje janë Arjan Çullhaj, 41 vjeç, Agim Çullhaj, 38 vjeç dhe Erind Kullolli, 27 vjeç.
Vëllezërit Arjan Çullhaj dhe Agim Çullhaj në bashkëpunim me të afërmin e tyre Erind Kullolli, kanë marrë peng në një lokal në Tiranë një 22-vjeçar, e kanë futur në makinë dhe e kanë rrahur e dhunuar në Shëngjergj të Tiranës.
Policia dyshon se i riu është rrahur për shkak se ka pasur lidhje me vajzën e njërit prej tyre dhe ata nuk kanë qenë dakord.
I riu është goditur me grushte në pjesë të ndryshme të trupit. Pasi mori informacion policia ka shkuar menjëherë në vendin e ngjerjes dhe ka mundur ta liroj dhe arrestoj 3 autorët.
Të tre akuzohen për veprën penale "Heqja e paligjshme e lirisë" kryer në bashkëpunim, parashikuar nga neni 110/25, i Kodit Penal./K.C/dritare.net
