Katalonia gati të ndahet nga Spanja, shpall sot referendumin

Sot pritet të vendoset nëse Katalonia do të shkojë në referendumin që do ta ndajë ose jo me Spanjën. Ky rajon do të aprovojë ligjin për të shpallur zyratrisht referendumin e 1 tetorit. Seanca e posaçme në Kuvendin e Katalonias do të jetë pa debate dhe zyrtarët e lartë të qeverisë katalone do ta nënshkruajnë ligjin për mbajtjen e referendumit.

Madridi zyrtar e ka kundërshtuar ashpër këtë referendum, madje Gjykata Kushtetuese spanjollle e shpalli jo kushtetues. Kryeministri spanjoll Mariano Rajoy e ka akuzuar qeverinë katalone se me këtë ligj po përpiqet t’i “anashkalojë procedurat juridike” dhe ka premtuar se ligji menjëherë do të kontestohet në gjykatë.

Katalonia, rajon me 7.5 milionë banorë, e cila e ka gjuhën dhe zakonet e veta dhe sjellë një të pestën e të ardhurave spanjolle në fushën e ekonomisë, i ka disa kompetenca në çështjet e arsimit, shëndetësisë dhe sigurimit social./L.P.- Dritarenet