Na ndiqni edhe në

Ngjarjet e Ditës

Jo vetëm Meghan dhe Harry, ja 4 mbretërorë të tjerë që kanë hequr dorë nga detyrat!

Jo vetëm Meghan dhe Harry, ja 4 mbretërorë të tjerë

Duka dhe dukesha e Sussex, tronditën botën të mërkurën, kur ata njoftuan vendimin e tyre për të hequr dorë nga detyrat mbretërore. Çifti e postoi deklaratën në Instagram, ku zbuluan dhe planet e tyre për të jetuar mes Britanisë dhe Amerikës së Veriut.

Por, ja që Meghan dhe Harry nuk janë të vetmit që kanë hequr dorë nga detyrat mbretërore. Janë dhe 4 të tjerë, përpara tyre që dritare.net do jua zbulojë më poshtë!

Eduard VIII

Ish-mbreti Eduard VIII, adbdikoi fronin në dhjetor të 1936, për t’u martuar me një amerikane të divorcuar, Wallis Simpson. Mbreti e kishte njohur zonjën Simpson, kur ajo ishte akoma e martuar me burrin e saj të dytë Enest në 1931 dhe ata shumë shpejt filluan të flirtonin me njëri-tjetrin. As gjykata dhe as mbretëria nuk do të pranonin një mbretëreshë dy herë të divorcuar, kështu Eduardi vendosi të abdikojë, duke i lënë fronin vëllait të tij Dukës së Jorukut, babain e Mbretëreshës Elizabeth II.

Princ Andrew

Xhaxhai i Harryt, Duka i Jorkut, njoftoi vitin e kaluar se po tërhiqej nga detyrat publike pas një dalje në Newsnight të BBC. Shkak u bë një skandal seksual me Jeffrey Epstein, biznesmenin,  i cili u akuzua për trafik njerëzor, me qëllim prostitucionin dhe u vetëvra në burg. Duka është parë në publik vetëm disa herë pas intervistës.

Sarah, Dukesha e Jorkut

Ish-gruaja e Andrew, dukesha e Jorkut u lirua nga detyrimet në familjen mbretërore, pas divorcit. Sarah shihet shpesh me vajzat e saj, princeshën Eugenie dhe Beatrice dhe gjithashtu mori pjesë në dasmën e Meghan dhe Harryt në 2018.

Princeshë Diana

Nëna e Harryt, princeshë Diana, në vitin 1993 lajmëroi se do të reduktonte angazhimet e saj zyrtare për t’u fokusuar më shumë te jeta private. Një vit më vonë, ajo dhe Charles vendosën të ndaheshin paqësisht. Pas divorcit në gusht të 1996, Diana dha dorëheqjen nga 93 qendra bamirësie, por mbajti shoqatat e saj. Dianës gjithashtu, pas divorcit, ju hoq titulli “Lartësia juaj”./Përshtati nga Hello Magazine-dritare.net