Duka dhe dukesha e Sussex, Meghan Markle dhe Princi Harry, njoftuan dje se kanë vendosur të largohen nga familja mbretërore. Në fakt ky ishte një lajm që pritej, pasi në një mënyrë apo tjetër çifti e kishte shprehur këtë ide prej kohësh. Por dje dhanë vendimin përfundimtar.
Arsye për këtë vendimmarrje Meghan dhe Harry thanë se ishte dëshira për të qenë te pavarur financiarisht. Sipas mediave britanike, çifti nuk u konsultua me askënd tjetër për këtë vendim, nga familja mbretërore.
Ky veprim i Meghan dhe Harry-t mendohet se ka ndikuar negativisht në imazhin e familjes mbretërore. Por çifti sot do të nisë një kapitull të ri, larg detyrave mbretërore.
Por mendohet që edhe ky kapitull i ri nuk do të jetë aspak i lehtë për çiftin.
Ata do të vijojnë të merrën me fondacionin e tyre të bamirësisë, në Britani dhe SHBA.
/L.F-dritare.net
