Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Gazetari flet për një video-skandal të prokurorit shqiptar brenda hotelit luksoz

E Enjte 2 Shkurt 2017, 13:01

Dritare.net

Gazetari flet për një video-skandal të prokurorit shqiptar brenda
Gazetari Artan Hoxha kë bërë një postim provokues pas përplasjes së Prokurorisë së Përgjithshme me Ambasadën e SHBA-së, ku paralajmëron një prokuror, pa e identifikuar më shumë, që të mos paraqitet më me shoqëruesen e tij në hotelin luksoz në Vjenë të Austrisë.

Hoxha lë të kuptohet se ekziston një video që vërteton këtë lidhje kur thotë se serveri i hotelit nuk është zhdukur pa lënë gjurmë, ndërsa bën një paralele me serverin e resortit “Santa Quaranta”, ku nuk është gjetur asnjë video për t’u sekuestruar si provë nga policia, pasi serveri është zhdukur.

Gazetari Hoxha shkruan se lajmi vjen nga “Rruga e Elbasanit”, term që i referohet shpesh Ambasadës Amerikane, për shkak të vendodhjes së saj në këtë rrugë të kryeqytetit.

“Prokurori dhe shoqëruesja e tij, lajmërohen të mos paraqiten më në dhomen nr. 401 në hotelin luksoz me arkitekturë supermoderne, Stephansdom Hotel, Viene, Austri... Lajmi nga "Rruga e Elbasanit"... Serveri hotelit nuk është zhdukur pa lënë gjurmë si serveri i Santa Quaranta të Balilit në Sarandë… Ngjashmëria me emra konkret është thjesht çështje koecidence”, shkruan Hoxha.