Foto/Lakuriq, duar e këmbë të lidhura. Si po torturohen të akuzuarit për grusht shteti

Foto e fundit tregojnë më shumë se mijëra fjalë situatën ku ndodhet Turqia. Mijëra ushtarakë lakuriq, me duar të lidhura, të ulur në palestrea ose salla të hapura që goditen nga ruajtësit e tyre, flasin për Turqinë e re që është tek portat. Më shumë se rikthim i demokracisë, ky është instalimi i një rregjimi që nuk pyet për të drejtat e njeriut. Më shumë se fytyra e një vendi që pretendon të hyjë në BE, këto janë pamje që ngjajnë të marra nga shekujt e errët kur sulltanë shtypnin rebelimet.

“Do të kërkojmë llogari për çdo pikë gjaku të derdhur”, ka thënë kryeministri Yildrim, i cili më përpara në një gjuhë të stilit të kohërave të largëta kishte thënë se “populli kërkon dënimin me vdekje për puçistët, qytetarët na urdhërojnë ta bëjmë këtë”.

CNN Turk, ka paraqitur pamje te golpisteve.

Ndërkohë BE dhe përfaqësuesja e saj Mogherini, si edhe kancelarja Merkel, kanë shprehur shqetësimin e thellë për këto zhvillime të reja. “Asnjë shtet nuk hyn në BE nëse ka dënimin me vdekje”, ka paralajmëruar Mogherini, duke ja bërë të qartë Turqisë vijën e kuqe./dritare.net