Ministrja e Financave dhe Ekonomisë, Anila Denaj tha në emisionin Dritare me Rudinën se, për momentin nuk parashikohet një rritje e pagave në administratën publike. Denaj u shpreh se buxhetet për këtë vit janë të parashikuara dhe duhet të rritet efektiviteti i strukturave.
“Besoj që buxhetet janë të determinuara. Ne duhet të rrisim efektivitetin e strukturave përveç rritjeve të pagave. Për këtë vit buxhetet janë të parashikuara. Pyetja është a i kemi të gjitha strukturat efektive. Unë mendoj se jo. Strukturat nuk janë efektive”– tha Denaj./K.C/dritare.net
