Vdes gazetarja dhe shkrimtarja e njohur italiane, Rossana Rossanda
E Diel 20 Shtator 2020, 12:12
Dritare.net
Ka ndërruar jetë në moshën 96-vjeçare gazetarja dhe shkrimtarja e njohur italiane, Rossana Rossanda. Ajo vdiq mbrëmë në Romë.
Gazetarja dhe shkrimtarja, një nga intelektualet më autoritare në Itali, ishte një kujtesë historike e Italisë së pasluftës.
Ishte edhe udhëheqëse e Partisë Komuniste Italiane (PCI) në vitet pesëdhjetë dhe gjashtëdhjetë, derisa u emërua nga Palmiro Togliatti në krye të politikës kulturore të PCI-së.
Nevoja për të përpunuar krizën e realizmit-socialist, në vazhdën e lëvizjeve studentore dhe punëtore, bëri që ajo të themelonte në vitin 1969 grupin politik dhe revistën "il Manifesto", e cila 1971-shin u kthye në gazetë.
Pasi themeloi "il Manifesto", Rossanda vazhdoi reflektimin dhe dialogun mbi lëvizjet punëtore dhe feministe, duke iu përkushtuar mbi të gjitha letërsisë dhe gazetarisë përmes botimeve të ndryshme dhe të shumta./K.c/dritare.net
