Vazhdojnë sulmet ndaj turistëve, Anila Hoxha denoncon një tjetër rast

Pas lajmit të bujshëm ku Mihal Kokëdhima, pronari i një lokali në Porto Palermo në Himarë, sulmoi një grup turistësh spanjollë, është raportuar për një tjetër rast. Gazetarja investigative, Anila Hoxha, me anë të një postimi në faqen e saj në facebook, ka denoncuar një sulm që i është bërë dy turistëve gjermanë nga një person i paidentifikuar.

"Ana Lucia Barroso dhe Steen Thorston banues në Hanover, kallëzojnë në polici se në orën 11:30, sot në rrugën "Petro Marko" në Tiranë, një person i paidentifikuar i ka rrëmbyer valixhen brenda së cilës kishin veshje dhe sende personale", shkruan Hoxha.

Policia ende nuk ka bërë asnjë njoftim zyrtar për këtë rast./L.F-dritare.net