Një tërmet 5.7 ballë shkundi një ditë më parë Stambollin, duke shkaktuar frikë dhe ankth te qytetarët. Shkollat u boshatisën, spitalet po ashtu, qytetarët lanë banesat dhe dolën në rrugë. 42 tërmete të tjera e kanë goditur Stambollin gjatë natës, me epiqendër po në detin Marmara, shkruan dritare.net
Nga frika për ndonjë tërmet tjetër të fuqishëm natën, qytetarët e Stambollit e kanë kaluar natën në rrugë, ashtu si ne në Tiranë, kur tërmeti 5.8 ballë shkundi Durrësin, edhe kryeqytetin.
Në disa foto dhe video të publikuara nga mediet turke, shihen qytetarët që kanë fjetur jashtë, në parkun e Stambollit./K.C/dritare.net
