Na ndiqni edhe në

Ngjarjet e Ditës

Sizmologu: Janë regjistruar 297 goditje, tërmetet do të vazhdojnë

Sizmologu: Janë regjistruar 297 goditje, tërmetet do të

Në një lidhje telefonike për News 24, sizmologu, Rrapo Ormeni tha se lëkundjet e tërmetit do të vazhdojnë, megjithëse me intensitet të ulët.

Ai shprehet se pas tërmetit 5.8 ballë të pasdites së djeshme që tmerroi gjithë qytetarët e Durrësit dhe Tiranës, janë regjistruar 297 lëkundje.

Ishte një natë e qetë, apo problematike?

Ka qenë një natë me më pak lëkundje se dje. E vetmja lëkundje e fortë ishte ajo 4.9 ballë. Që prej pasdites së djeshme, janë regjistruar 297 goditje. Nga ora 12 e natës janë regjistruar 87 goditje, por me magnituda të vogla.

E kemi kaluar rrezikun?

Themi që goditja kryesore ka kaluar, goditje pas goditjeve do të kemi, por nuk do të jenë të rrezikshme.

Sa kohë vazhdojnë këto pas-goditjet?

Vazhdojnë me ditë dhe me javë, por në rënie. Madhësia e tyre vjen vetëm duke u zvogëluar./K.C/dritare.net