Shqiptarët që lanë gjurmë në filmin “The Odyssey”
Friday 17 July 2026, 20:08
Dritare.net
Muzika tradicionale shqiptare ka zënë vend në kolonën zanore të filmit “The Odyssey” të regjisorit Christopher Nolan. Në kreditet zyrtare të albumit muzikor figuron emri i etnomuzikologut shqiptar Vasil Sofokli Tole, i cili është pjesë e ekipit të kompozitorit fitues të çmimit Oscar, Ludwig Göransson.
Në listën e krediteve, Vasil Tole është vlerësuar si Ethnomusicologist, ndërsa këngët tradicionale shqiptare me iso-polifoni janë realizuar nga grupi “Të Rinjtë e Delvinës”. Gjithashtu, si solist është kredituar edhe fyelltari shqiptar Vendim Kapaj.
Përfshirja e muzikës shqiptare në një produksion të përmasave të “The Odyssey” konsiderohet një arritje e rëndësishme për promovimin ndërkombëtar të trashëgimisë sonë kulturore./K.C/dritare.net
