Jonida Maliqi ndan një histori personale, për të dhënë një mesazh për të gjitha vajzat
E Mërkurë 19 Gusht 2020, 13:01
Dritare.net
Këngëtarja e dashur për publikun, Jonida Maliqi, së fundmi ka qenë në qendër të vëmendjes së mediave për shkak të marrëdhënies që ka nisur me aktorin e humorit, Romeo Veshaj.
Ajo është shumë aktive në rrjetet sociale, ku shpesh herë ndan momente romantike dhe komike me të dashurin e saj, Romeon.
Por pak më parë Jonida përmes disa postimesh në Instastory, ka dhënë një mesazh të vlefshëm për të gjitha vajzat që sforcohen për të arritur standardet e bukurisë.
Ajo ka ndarë një histori personale, se si dietat që ajo ndiqte kishin rrezikuar seriozisht shëndetin e saj.
Ajo ka treguar se herë pas here ndjek dietën Dukan, e cila konsiston në regjime të rrepta të një diete proteinike. Gjithashtu ajo ka treguar se i kishte anashkaluar paralajmërimet për efekte anësore dhe pasojat ishin të rënda.
Këngëtarja ka vazhduar të ketë probleme me këmbët e saj dhe pas ekzaminimeve ka mësuar se gjithçka ka ardhur si pasojë e dietës në acidin uronik.
Aktualisht ajo po trajtohet me medikamente dhe duhet t’i nënshtrohet një regjimi të shëndetshëm ushqimor.
Jonida ka vendosur ta ndajë me ndjekësit ketë eksperiencë të pakëndshme personale, për të bërë një thirrje te gjitha vajzave që vendosin në rrezik shëndetin e tyre, për të arritur standardet e bukurisë./R.P/dritare.net
