Kjo është mënyra më e shëndetshme për të larë frutat!
E Mërkurë 7 Gusht 2024, 14:02
Dritare.net
Me siguri ju e keni një mënyrë për të larë frutat, por a jeni të sigurt se është e duhura? Me gjithë këto video që qarkullojnë në internet se çfarë duhet dhe çfarë nuk duhet të bëjmë për të konsumuar në mënyrë të sigurt frutat tona të preferuara, ju mund të jeni konfuzë dhe me të drejtë. Kjo është arsyeja pse ne kemi mbledhur për ju të gjitha sekretet e ekspertëve të sigurisë ushqimore për larjen e duhur të tyre.
Pse larja e frutave është e rëndësishme?
Frutat mund të marrin baktere dhe mikrobe nga toka ose uji. Pesticidet dhe plehrat e përdorur në procesin e rritjes mund të mbeten në lëkurën e frutave. Ndonëse shpëlarja me ujë është sigurisht më mirë se asgjë, sepse do t'i shpëtojë nga papastërtitë më të lira, ka metoda më të mira dhe më të sigurta.
Me uthull të bardhë!
Uthulla është pastruesi numër një për larjen e frutave sepse ka veti antimikrobike. Si ta përdorim atë? Përziejmë tri gota ujë me një gotë uthull të bardhë dhe i lëmë frutat që duam të lajmë në këtë tretësirë për 15 minuta. Shpëlajini me ujë dhe ose hajini menjëherë ose lërini të thahen plotësisht përpara se t'i vendosni në frigorifer.
Me lëng limoni!
Kjo metodë funksionon si ajo me uthull, pasi lëngu i limonit ka edhe veti antibakteriale. Aciditeti i tij natyral ndihmon në zbërthimin e disa mbetjeve në fruta.
Me vaj ulliri!
Disa pesticide janë me bazë vaji, gjë që i bën ato lipofile, që do të thotë se tërhiqen nga yndyrnat e tjera. Pra, nëse përzini një gotë vaj ulliri me dy gota ujë dhe e fërkoni mirë në sipërfaqen e frutave dhe e shpëlani me ujë do të keni një larje efektive.
Me alkool!
Ashtu si me uthullën e bardhë dhe lëngun e limonit, alkooli (si vodka ose rakia) do t'i vrasë dhe do t'i largojë bakteret që fshihen në sipërfaqen e frutave. Për ta arritur këtë, përzieni një gotë alkool me tri gota ujë. Zhytini frutat në tretësirë për 15 minuta dhe më pas shpëlajeni tërësisht.
Me shafranin e Indisë
Sipas ekspertëve të sigurisë ushqimore, kjo erzë mund të ndihmojë në pastrimin e frutave duke pastruar sipërfaqen e tyre dhe ka veti të shkëlqyera antibakteriale. E vetmja pengesë e kësaj metode është se ky përbërës është më i shtrenjtë se të tjerat. Si do ta përdorni? Përzieni 2-3 lugë shafran me pak ujë për të bërë një masë në formë paste. Pastën e krijuar e shtrijmë në sipërfaqen e frutave duke përdorur pak letër kuzhine. Lëreni për disa minuta për të vrarë çdo mikrob dhe më pas shpëlajeni tërësisht.
Çfarë duhet të shmangni gjithmonë kur lani frutat!
Sapuni, ndonëse krejtësisht i përshtatshëm dhe i sigurt për larjen e enëve, kur bie në kontakt me ushqime të caktuara mund të ndryshojë shijen e tyre, ndaj nuk rekomandohet./K.C/dritare.net
