Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Rama flet për foton me Ardian Çapjan: Nuk e dija kush ishte

E Enjte 13 Shkurt 2020, 21:09

Dritare.net

Rama flet për foton me Ardian Çapjan: Nuk e dija kush ishte
Kryeministri i vendit, Edi Rama i ftuar në emisionin “Opinion” ka folur për herë të parë për foton me Ardian Çapjan. Rama thotë se, nuk e njihte pronarin e hotelit “Univers” në Elbasan në vitin 2017, sot subjekt i hetimit të pasurive nga OFL.

Kryeministri u shpreh se, në atë kohë shkoi në hotelin në pronësi të Çapjave, sepse ishte kohë fushate dhe në këtë hotel kishte sallë konferencash.

Edi Rama: Është një ambient që nuk është ai i zakonshmi i mitingjeve. Ky është holli i një hoteli, më kanë ardhur këta persona zotëria, a zonja se mbaj mend, dhe më thanë a mund ta bëj një foto. Nuk është hera e parë që kam shkuar në atë hotel, sepse ai hotel ka një sallë konferencash.

Klodiana Lala: A i shit ju i informuar se kjo pronë, sipas policisë së shtetit i përket një personi që ka urdhëruar vrasje dhe i përket një bande?

Edi Rama: Jo, jo. Nuk isha i informuar dhe madje kam edhe një foto tjetër të bërë disa vite më parë.

Klodiana Lala: A u shqetësuat kur e publikoi Artan Hoxha këtë foto?

Edi Rama: Po ça thua? Unë këtë foto tani e pashë…/K.C/dritare.net