Pezullohet nga detyra këshilltari i Bankës së Shqipërisë, Arben Malaj

Këshilltari i Bankës së Shqipërisë, Arben Malaj, është pezulluar nga detyra. Vendimi i pezullimit është botuar në Fletoren Zyrtare.

Vendimi i botuar në Fletoren Zyrtare: 

“Në mbështetje  të  nenit  100  të  Kushtetutës  dhe të pikës 1,  të  nenit  47,  të  ligjit nr. 8269,  datë 23.12.1997,  “Për Bankën  e  Shqipërisë”, të ndryshuar, me propozimin e Kryeministrit, Këshilli i Ministrave VENDOSI:

1. Z. Arben Malaj, anëtar i Këshillit Mbikëqyrës të Bankës së Shqipërisë, pezullohet nga kjo detyrë.
2. Propozimin Kuvendit të   Republikës   së Shqipërisë për shkarkimin  e z. Arben  Malaj  nga detyra  e  anëtarit  të  Këshillit  Mbikëqyrës  të  Bankës së Shqipërisë. Ky vendim hyn në fuqi  menjëherë”./E.B-dritare.net