Përgjimet e reja të Bild, Pjerin Ndreu: Drejtori i shkollës të deklarojë votën osë fluturoi
E Hënë 17 Qershor 2019, 17:05
Dritare.net
Ndreu në përgjimet e Bild i thotë Drejtorit të Arsimit të Dibrës, Drini Gjeçit që të marrë në telefon drejtorin e shkollës në Reç dhe të deklarojë se nga do e hedhë votën.
“Deklaroje votën hapur atje që e ke për PS-në ndryshe ditën e hënë tregoja ku fluturon”, i thotë Ndreu Gjeçit.
Përgjimi Nr. 11 i Bild
Biseda e plote:
Pjerin Ndreu: Mirëmëngjes!
Drini Gjeçi: Mirëmëngjesi
Pjerin Ndreu: Pjerin Ndreu jam! Si je?
Drini Gjeçi: Po Pjerin, si ia kalove?
Pjerin Ndreu: A je mire si ke qenë?
Drini Gjeçi: Mirë jam, mirë!
Pjerin Ndreu: Bëj një telefon këtij Reshat Elezit, këti drejtorit të Reçit.
Drini Gjeçi: Reshatit?
Pjerin Ndreu: Po drejtorit të shkollës, I thuaj ta deklarojë votën hapur se ato sms-të që I çon poshtë e përpjetë nuk janë shumë të këndëshme. Deklaroje votën hapur atje që e ke për PS-në ndryshe ditën e hënë tregoja ku fluturon.
Drini Gjeçi: Reshat Elezaj?
Pjerin Ndreu: PO
Drini Gjeçi: Ok po flas unë tashi me të.
Pjerin Ndreu: Tregoi se ku fluturon të hënë. Të deklarojë votën për PS-në aty. Se po nuk votoi hapur për PS-në të gjejë vend e të futet.
Drini Gjeçi: Ok pa merak se e rregullojë unë këtë punë./e.k-Dritare.net
