Për padinë e kryeministrit, Edi Rama, ndaj homologut të tij, Ramush Haradinaj, ka reaguar edhe lideri i opozitës, Lulzim Basha. Përmes një postimi në Facebook, Basha shprehet se, kjo padi e Ramës, është një perversitet i shëmtuar antikombëtar. Sipas Bashës, ky akt i ulët meriton refuzimin dhe revoltën legjitime ndaj një kryeministrit
“Pseudo-padia e Edi Ramës ndaj kryeministrit të Kosovës është një perversitet i shëmtuar antikombëtar. Është turp i pakapërdishëm që Ramush Haradinaj, pas gjakut të tij dhe familjes së tij për çlirimin e Kosovës, pas betejave me akuzat e montuara të Beogradit, të përballet me pasojat e degjenerimit dhe vasalitetit të Edi Ramës. Ky akt i ulët që na turpëron të gjithëve meriton refuzimin dhe revoltën legjitime ndaj një kryeministri të dështuar fund e krye dhe ndaj falimentimit të tij politik dhe moral para Shqipërisë dhe mbarë kombit shqiptar.”,- shkruan Basha./K.C/dritare.net
