Segmenti i raketave kineze pritet të bjerë në Tokë. A rrezikohet Shqipëria?
E Premte 7 Maj 2021, 16:04
Dritare.net
Mbeturinat nga një raketë kineze pritet të bien në tokë në mënyrë të pakontrolluar këtë fundjavë. Segmenti kryesor nga automjeti Long March-5b u përdor për të lëshuar modulin e parë të stacionit të ri hapësinor të Kinës muajin e kaluar.
"Ne jemi me shpresë se do të zbresë në një vend ku nuk do të dëmtojë askënd," tha Sekretari i Mbrojtjes i SHBA Lloyd Austin, "Shpresojmë në oqean”.
Zona e rënies së mundshme në këtë rast është e kufizuar akoma më tej nga trajektorja e fazës së raketës. Kjo do të thotë se mund të përjashtohet që çdo mbeturinë mund të bjerë më në veri sesa afërsisht 41.5 gradë gjerësi gjeografike Veriore dhe më në jug se 41.5 gradë gjerësi gjeografike Jugore.
Se sa shpejt orbita e bërthamës do të vazhdojë të prishet do të varet nga dendësia e ajrit që has në lartësi dhe sasia e tërheqjes që prodhon kjo. Këto detaje janë të panjohura. Shumica e mjetit duhet të digjet kur bën zhytjen e tij të fundit në atmosferë, megjithëse ekziston gjithmonë mundësia që metalet dhe materiale të tjera rezistente, të mbijetojnë në sipërfaqe.
Shanset që dikush të goditet nga një copë hedhurinë hapësinore janë shumë të vogla, për shkak se shumë sipërfaqe e Tokës është e mbuluar nga oqeani, dhe sepse ajo pjesë që është tokë përfshin zona të mëdha që nuk janë të banuara. Kina mohoi se lejimi i kthimit të pakontrolluar të një objekti kaq të madh, ka qenë një neglizhencë. E njëjta situatë ndodhi edhe një vit më parë kur mbeturinat e një rakete u identifikuan në tokë në Bregun e Fildishtë, Afrikë./L.F-dritare.net
