Sa shikueshmëri kishin Rama dhe Berisha në rrjetet sociale, gjatë hapjes së fushatës!
E Shtunë 12 Prill 2025, 16:04
Dritare.net
Partia Socialiste mbajti sot mitingun hapës të fushatës elektorale për zgjedhjet e 11 majit me një hapje masive dhe kreative në Sheshin “Skënderbej”, në Tiranë.
Ndërsa në shesh ishin të paktën 15 mijë qytetarë në mbështetje të kryesocialistit Edi Rama dhe vizionit të tij për Shqipërinë 2030, me mijëra ishin dhe ata që e ndoqën takimin drejtpërdrejt në rrjetet sociale.
Vetëm në Facebook, çelja e fushatës së Partisë Socialiste u ndoq nga të paktën 11 mijë e 400 qytetarë,
Ky nivel shikueshmërie ishte mbi 5.4 herë më i lartë se audienca që pati Sali Berisha në Facebook (2 mijë e 100) gjatë aktivitetit hapës të fushatës, që zhvilloi mbrëmjen e djeshme në Sheshin “Nënë Tereza”, në kryeqytet./L.F-dritare.net
