Regjisori Rob Reiner dhe bashkëshortja e tij gjenden të vdekur në shtëpinë e tyre. Ja çfarë dyshohet!
E Hënë 15 Dhjetor 2025, 08:08
Dritare.net
Legjenda e Hollivudit, Rob Reiner, 78-vjeç dhe bashkëshortja e tij, Michele Singer Reiner, 68-vjeçe, janë gjetur të vdekur në shtëpinë e tyre në lagjen Brentwood të Los Angelesit, në një ngjarje që autoritetet po e hetojnë si homicid.
Familjarët konfirmuan vdekjen e çiftit të dielën mbrëma, në një deklaratë ku shprehin tronditjen dhe kërkojnë privatësi në këtë kohë të vështirë.
Autoritetet e Los Angeles Police Department (LAPD) thanë se trupat u gjetën të dielën pasdite në rezidencën e tyre në Chadbourne Avenue, dhe hetimi ka kaluar nën një proçes të plotë të Divizionit të Vjedhjeve dhe Homicide-it të LAPD-së.
Shërbimet e zjarrfikësve u thirrën në vendngjarje rreth orës 15:30 sipas orës lokale, ku u gjetën të vdekur një burrë dhe një grua, të identifikuar më pas si Reiner dhe bashkëshortja e tij.
Ndërkohë, autoritetet kanë konfirmuar se nuk është identifikuar ende një i dyshuar, dhe askush nuk është arrestuar deri tani. Hetuesit po vazhdojnë intervistimin e personave me lidhje familjare ose të afërm.
Rob Reiner u rrit në New York dhe filloi karrierën si aktor, duke fituar famë me rolin e Mike “Meathead” Stivic në serialin klasik All in the Family. Ai më pas u bë regjisori i shumë filmave të shquar, përfshirë This Is Spinal Tap, The Princess Bride, Stand By Me, When Harry Met Sally dhe A Few Good Men.
Përveç punës së tij artistike, Reiner ishte një aktivist i zëshëm publik, duke folur për çështje sociale e politike dhe duke mbështetur kauza si të drejtat e komuniteteve LGBTQ+.
Bashkëshortja e tij, Michele Singer Reiner, ishte fotografe dhe producente, dhe çifti kishte tre fëmijë së bashku./L.F-dritare.net
