Mëngjesi i freskët. Si do të jetë moti gjatë ditës!
E Mërkurë 18 Qershor 2025, 07:07
Dritare.net
Ditën e mërkurë vendi ynë do të jetë në ndikimin e kushteve atmosferike relativisht të paqëndrueshme.
Moti parashikohet me kthjellime të herëpashershme dhe alternime vranësirash mesatare e lokalisht deri të dendura. Reshjet e shiut do të bëhen prezente gjatë orëve të mesditës, pothuajse në të gjithë territorin me intensitet të ulët kryesisht në formë pikash.
Temperaturat do të jenë nga 15 deri ne 35 gradë celsius.
Era me drejtim veriperëndim-juglindje me shpejtësi mesatare 6 m/s, në lugina dhe bregdet hera-herës fiton shpejtësi deri në 10m/s./L.F-dritare.net
